Vigo acolle dende este xoves e o sábado as Xornadas Videoxogo e Literatura, unha actividade anual da Fundación Carlos Casares que procura abordar o sector cunha perspectiva transversal, sen perder de vista a súa relación coa literatura e as súas técnicas. Estas xornadas buscan, ademais, ampliar o coñecemento público do sector, debullar as perspectivas de crecemento e apuntar retos e desafíos dos seus profesionais. Esta cuarta edición ofrece diversas mesas redondas e faladoiros, novas masterclass, e, por primeira vez, a estrea do filme documental ‘La industria salvaje’, de Horacio Rodríguez Maseda, que radiografía o sector no Estado.
