InicioTui acollerá unha "alfombra cordobesa" cortesía de case cen peregrinos

Tui acollerá unha “alfombra cordobesa” cortesía de case cen peregrinos

Desenvolverase o vindeiro xoves 25 pola mañá.

PUBLICADO O

- Advertisement -

As alfombras de Valenzuela son sonadas. Coñécenas seguro, aínda que non lles soe o nome, de ver un fugaz fragmento no telexornal das 3; se cadra por cruzar con elas polo Facebook. Son esas tan grandes e coloridas feitas de serradura. O caso é que un grupo de case cen veciños e veciñas deste municipio cordobés van realizar unha pequena alfombra a escala… en Tui.

O proxecto desenvolverase na mañá deste xoves 25 de agosto e terá lugar no céntrico paseo da Corredoira fronte á Oficina Municipal de Turismo. Agora ben, cal é o motivo deste cruce de camiños tan inesperado? Segundo explican as autoridades tudenses, a vila de Valenzuela foi convidada a formar parte da Comisión Xestora de Entidades Alfombristas do Camiño de Santiago (por razóns evidentes).

De tal modo, e cando desde Valenzuela se organiza  unha viaxe a terras galegas para realizar o Camiño de Santiago, pretenden realizar en cada localidade do seu percorrido un acto cultural co cal establecer un achegamento a estes municipios galegos tendo en común o mundo das alfombras.  Así realizarán unha réplica a pequena escala dunha das alfombras típicas daquela vila andaluza nun lugar emblemático da cidade de Tui, como é o Paseo da Corredoira. Unha iniciativa que tamén chegará a San Román de Retorta, Melide, Sarria, Arzúa e O Pedrouzo ata chegar a Santiago de Compostela.

ÚLTIMAS

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...

Detido un mozo de 28 anos tras saltar unha orde de afastamento por segunda vez nunha semana

A Policía Local detivo por segunda vez nunha semana a un mozo, R.L.F.F. de...