InicioCulturaAstronomía para todos os públicos en dous obradoiros organizados pola UVigo

Astronomía para todos os públicos en dous obradoiros organizados pola UVigo

Forman parte do plan de actividades 'Ciencia de ida e volta', co financiamento da Fecyt.

PUBLICADO O

- Advertisement -

Achegar o mundo da astronomía dun xeito ameno e sinxelo ao público xeral e, en especial, a un público familiar. Este é a idea dos obradoiros de astronomía Astrofamilias, unha nova iniciativa posta en marcha pola Universidade de Vigo dentro do plan anual de actividades Ciencia de Ida e Volta. Serán este xoves pola tarde, a partir das 17.00 horas, no Instituto Politécnico Marítimo Pesqueiro do Atlántico (Avenida de Beiramar, 55).

Para impartir os talleres contarase coa participación de Ana Ulla, astrofísica e investigadora da Universidade de Vigo, e Adolfo García, capitán da Mariña Mercante e profesor de Navegación no Instituto Politécnico Marítimo Pesqueiro do Atlántico.

Cada un deles farase cargo dun obradoiro de arredor dunha hora de duración. O de Ana Ulla centrarase no funcionamento das estrelas e o de Adolfo García consistirá nunha visita ao planetario na que el exercerá como guía. Divididos en dúas quendas, o grupo 1 visitará primeiro o planetario –de 17.00 a 18.00 horas- e logo asistirá ao taller sobre o funcionamento das estrelas –de 18.00 a 19.00 horas- e o grupo 2 gozará, en orde inversa, destas mesmas actividades.

Esta acción, organizada desde a Unidade de Cultura Científica,  conta co financiamento da Fundación Española para la Ciencia y la Tecnología (Fecyt), dependente do Ministerio de Ciencia y Tecnología, e a colaboración do Instituto Politécnico Marítimo Pesqueiro do Atlántico. O obradoiro lanzouse o pasado venres e en apenas dous días xa se cubriron as 50 prazas dispoñibles.

ÚLTIMAS

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...

O BNG esixe pór fin ao “descontrol” e á “barra libre” dos pisos turísticos en Vigo: “En 5 anos, pasaron de 400 a 2.400”

O BNG de Vigo esixiu ao goberno municipal e á Xunta de Galicia que poñan fin...

O embaixador de Perú rende homenaxe ás vítimas do Villa de Pitanxo no porto de Vigo

O embaixador de Perú en España, Luís Iberico Núñez, encabezou este domingo unha ofrenda...

Enfróntase a máis de 16 anos de cárcere acusado de violar e roubar a unha muller á de traballar dun hospital de Vigo

A sección quinta da Audiencia Provincial de Pontevedra, con sede en Vigo, xulgará o vindeiro...