InicioCulturaPonte... nas Ondas! fai 27 anos tecendo redes entre Galicia e Portugal

Ponte… nas Ondas! fai 27 anos tecendo redes entre Galicia e Portugal

A candidatura de Ponte...Nas Ondas! a Patrimonio Cultural Inmaterial (PCI) abordarase no mes de decembro na UNESCO.

PUBLICADO O

Ponte…Nas Ondas! está de aniversario. Esta iniciativa, pola que se realizan actividades educativas e culturais en Galicia e Portugal, conmemora este martes o seu 27 aniversario. Fiel ao seu obxectivo de recuperar e difundir o patrimonio cultural común á poboación galega e portuguesa, Ponte… Nas Ondas! celebra os seus 27 anos mentres agarda a resolución da súa candidatura ao Rexistro de Boas Prácticas de Salvagarda, na categoría de Patrimonio Cultural Inmaterial (PCI), que se abordará no mes de decembro na UNESCO.

A difusión do patrimonio inmaterial galego-portugués é unha das liñas clave do traballo de Ponte…nas ondas!, que busca favorecer a súa posta en valor e transmisión ás novas xeracións. Dende o ano 2016, a UNESCO acreditou Ponte…Nas Ondas! como ONG consultora para o PCI, única entidade acreditada en Galicia e unha das 12 na península ibérica.

Máis adiante, no 2021, o Ministerio de Educación e Cultura do Goberno de España, a Xunta de Galicia e a Comissão Nacional da UNESCO presentaron o modelo Ponte…Nas Ondas! na
UNESCO para dar a conecer unha “experiencia única creada e desenada no territorio da Eurorrexión Galicia-Norte de Portugal”. “Un fito fundamental na traxectoria da asociación que agora cumpre 27 anos de historia e que contribúe a sensibilizar o traballo desenvolvido pola comunidade educativa e o ámbito cultura galego-portugués co patrimonio común”, explica a sociación nun comunicado.

UNHA PONTE QUE SE INICIOU NO ANO 1995

Desde as ondas da Frecuencia Modulada daquel afastado ano 1995 aos actuais podcasts que se moven polas redes sociais, Ponte…Nas Ondas! ten achegado a maxia da radio e o universo do patrimonio inmaterial a moita mocidade de Galicia e Portugal. Aquelas chamadas telefónicas desde as escolas aos estudios de radio desde onde se desenvolvía a anual xornada radiofónica interescolar vivíanse con emoción desde os centros educativos que seguían a programación os transistores.

No ano 1997, lembran dende a iniciativa, fíxose a primeira emisión por Internet, da man dun innovador profesor que poñía en streaming o sinal da xornada da radiofónica. A partir 1998, foi a companía Telefónica quen se encargaba do directo de audio e vídeo, a primeira emisión audiovisual dunha experencia educativa non profesional. Tamén se
realizaron videoconferencias con Brasil e con Mozambique, entre outros países.

Cada 13 de febreiro, Día Mundial da Radio, desde o portal Escola nas ondas divúlganse os traballos audiovisuais das escolas galegas e portuguesas. E ademais, a actividade de Ponte…Nas Ondas! continúa con outras iniciativas no ámbito educativo e cultural, como o certame “As imaxes do patrimonio” dirixido aos centros educativos e ás familias. Doutra banda, Meniños Cantores 2 é a última iniciativa da asociación, un libro-usb no que participaron escolas ao longo da fronteira galego-portuguesa e que contou coa participación de escritores e artistas de Galicia e Portugal.

ÚLTIMAS

Abel Caballero celebrará un pleno extraordinario contra o “veto por ideoloxía” a varias relatoras nun programa da Deputación

O alcalde de Vigo, Abel Caballero, anunciou este venres que a próxima semana convocará un...

A Xunta Electoral arquiva unha denuncia do PP por declaracións de Hereu na súa visita a Redondela e Vigo

A Xunta Electoral de Galicia decretou o arquivo dunha denuncia formulada polo PPdeG en...

O Porto de Vigo pecha xaneiro como líder nacional en movemento de vehículos, con 55.801 unidades

O Porto de Vigo pechou xaneiro deste ano arrebatando o liderado en movemento de vehículos á...

O cadáver da muller achada nunha maleta presenta unha puñalada e aínda non puido ser identificada

A autopsia realizada ao cadáver da muller achada dentro dunha maleta nunha leira abandonada...