InicioCulturaDenuncian o roubo de dous cadros do pintor impresionista francés Edgar Degas...

Denuncian o roubo de dous cadros do pintor impresionista francés Edgar Degas nunha vivenda de Nigrán

Algunhas obras deste artista alcanzaron prezos millonarios.

PUBLICADO O

A Garda Civil puxo en marcha unha investigación tras a presentación dunha denuncia polo roubo de dous cadros de Edgar Degas nunha vivenda na zona de Monteferro, en Nigrán, e que terían un importante valor económico.

Segundo confirmaron fontes do Instituto Armado, presentouse unha denuncia por parte dunha persoa que refire ser vítima do roubo destas obras de arte na súa vivenda, e que asegura que teñen “un valor moi grande”.

A investigación corre a cargo da sección de Patrimonio da Unidade Orgánica de Policía Xudicial da Comandancia de Pontevedra. Polo momento, non transcendeu o título dos cadros nin a identidade do denunciante, que se decatou da subtracción das obras ao regresar dunha viaxe.

Edgar Degas foi un artista impresionista francés do século XIX, recoñecido especialmente polas súas pinturas dos ambientes parisienses e, especialmente, as súas imaxes de bailarinas. As súas obras alcanzaron prezos millonarios, por exemplo, a súa escultura da ‘Pequena bailarina de 14 anos’ superou os 22 millóns de euros nunha poxa en 2015.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...