Preséntase Lucenza- Ateneo, a asociación veciñal que busca contribuír á dinamización cultural de Nigrán

O acto terá lugar o vendeiro venres 28 de xaneiro.

Centro de Negocios de Porto do Molle en Nigrán
Centro de Negocios de Porto do Molle en Nigrán

Será o vindeiro venres 28 de xaneiro ás oito da tarde no Auditorio Municipal cando se presente, pero a asociación Lucenza- Ateneo de Nigrán xa se constituíu. Trátase dunha entidade integrada por veciñas e veciños do municipio que busca contribuír á dinamización sociocultural de Nigrán. O acto de presentación, segundo destaca a veciñanza, terá tempo para, ademais do seu carácter informativo, a música, a poesía e o coloquio coas persoas asistentes.


Lucenza – Ateneo de Nigrán botou a andar hai uns meses, a partir do sentir compartido dun grupo de veciñas e veciños das diferentes parroquias de Nigrán que consideraron convininte poñer en marcha unha entidade sociocultural “que se centre en organizar actividades a nivel municipal para beneficio de toda a veciñanza“. Así, a asociación destaca que nace co compromiso de convertirse nun “espazo aberto, libre, plural e amigable, que dea cabida a todas aquelas persoas dispostas a cooperar”

Entre os obxectivos de Lucenza está contribuir, como unha entidade máis
do municipio, á dinamización sociocultural de Nigrán, ao reforzamento da súa axenda cultural e a superación de certas eivas que “aínda se continúan a padecer”.

DEIXAR UN COMENTARIO

Please enter your comment!
Please enter your name here