A obra ‘As criadas’ que ía ser representada en Vigo e Pontevedra esta próxima fin de semana foi cancelada por motivos de enfermidade no equipo de produción, segundo informou Afundación.

A obra tiña previsto ser representada no Teatro Afundación de Vigo o venres 21 e na Sede Afundación de Pontevedra o sábado 22. Con todo, foi cancelada, polo que Ataquilla procederá á devolución do importe das entradas e da parte proporcional dos abonos.

A produción teatral de ‘As criadas’, de Jean Genet, conta con Alicia Borrachero e Ana Torret nos papeis protagonistas.