InicioCulturaO Museo do Prado recupera unha pintura de Giovanni Migliara cedida ao...

O Museo do Prado recupera unha pintura de Giovanni Migliara cedida ao Concello do Porriño en 1929

O museo nacional procedeu a levantar o depósito para volver expor a pintura nas súas salas do século XIX.

PUBLICADO O

O cadro ‘A prisión de Francisco I’, do artista italiano Giovanni Migliara (s.XVIII-XIX), volveu esta semana ao Museo do Prado, tras máis de 90 anos colgado nunha das paredes das antigas oficinas de Alcaldía do Concello do Porriño.

Segundo informaron fontes municipais, un equipo técnico enviado polo museo retirou a pintura, que forma parte do grupo de obras coñecidas como ‘o Prado disperso’ (en alusión ás obras cedidas pola pinacoteca por falta de espazo nas súas instalacións) e trasladouna a Madrid.

Este cadro foi cedido ao Concello do Porriño o 11 de decembro de 1929 e estivo colgado nunhas das paredes das antigas dependencias de Alcaldía desde entón.

A partir de 1980, o Prado comezou unha revisión dos depósitos feitos para verificar que as obras cedidas permaneceron nos lugares e institucións que figuraban nos seus arquivos, e para coñecer o seu estado de conservación.

No caso deste óleo de Migliara, o museo procedeu a levantar o depósito para volver expor a pintura nas súas salas do século XIX. Antes diso, o cadro pasará por un proceso de ‘posta a punto’ por parte dos restauradores do Prado, aínda que presenta un bo estado de conservación.

‘A prisión de Francisco I’ recrea o encarceramento do antigo rei de Francia na Cartuxa de Pavía, tras ser derrotado polo emperador Carlos I en 1525. Segundo os rexistros do Museo do Prado, foi pintado cara a 1825 e adquirido pola raíña María Cristina de Borbón, antes de que se incorporase aos fondos do museo.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...