Un grupo de persoas sentaron a ler no medio da rúa Elduayen ao solpor da tarde deste luns. A iniciativa xurdiu da man da Asociación Vigo Histórico e tratábase dunha “quedada reivindicativa” para demostrar que “non fai falta un túnel para peonalizar a rúa”.  Lonxe de atascos e vehículos que contaminen, a aposta deste grupo pasa por implantar unha peonalización gradual, mantendo o transporte público excepto nas fins de semana e festivos como paso previo á peonalización total.

Libro en man, estas cantas persoas congregáronse ao longo da rúa Elduayen gardando todas as medidas de seguridade: a máscara, os dous metros de distancia e a concepción do momento da lectura como acto individual.