InicioCulturaEspectáculos de maxia para os nenos e nenas da Guarda na semana...

Espectáculos de maxia para os nenos e nenas da Guarda na semana das Letras Galegas

A escritora María Victoria Moreno serviu de fío condutor do show, dirixido polo ilusionista Martín Camiña.

PUBLICADO O

Preto de medio millar de cativas e cativos dos centros escolares guardeses gozaron este luns do espectáculo de maxia «Ilusións por e para María Victoria Moreno» da man do ilusionista Martín Camiña.

A actividade, inicialmente programada para ser celebrada no Auditorio de San Bieito, desenvolveuse finalmente na Casa dos Alonso. Alí, os e as escolares repartíronse en dúas quendas para gozar do espectáculo, no que a obra e figura da escritora María Victoria Moreno serviron de fío condutor.

Así, o show mesturou maxia e literatura de xeito ameno e divertido, buscando a participación dos pequenos e pequenas. Asistiu o alumando de diferentes cursos de primaria e infantil dos centros educativos A Sangriña, As Solanas, Manuel Rodríguez Sinde, Padres Somascos, San José-HH Carmelitas e da Escola de Educación Infantil da Gándara, así como alumnado do CEE San Xerome Emiliani.

O espectáculo «Ilusións por e para María Victoria Moreno» forma parte da programación cultural organizada pola Consellería de Educación e Cultura do Concello da Guarda co gaio do Día das Letras Galega, que se conmemora o 17 de maio.

ÚLTIMAS

Condenados a 5 e 4 anos de cárcere os dous acusados de dar unha malleira a dous mozos na rúa Hernán Cortés de Vigo

A sección quinta da Audiencia Provincial de Pontevedra, con sede en Vigo, condenou aos...

Máis de mil vigueses xa teñen representación no caso do Cártel dos Coches con 40.000 afectados en Galicia

A oficina de Vigo do despacho BGI LAW representa xa a máis de 1.000...

Novo desencontro entre traballadores de Vitrasa e a empresa que non cede a reitirar os expedientes contra traballadores

A reunión celebrada este luns entre o comité de empresa e a dirección de...

A Xunta apura ao novo ministro de Cultura para axilizar o proxecto da Biblioteca do Estado en Vigo

O conselleiro de Cultura, Educación, FP e Universidades, Román Rodríguez, trasladou ao novo ministro...