O museo Marco de Vigo súmase ás celebracións do Ano Castelo este 2025, cando se cumpren 75 anos da morte do intelectual, escritor e pintor galeguista, cunhas xornadas que se celebrarán ao longo do mes de xaneiro, coordinadas por Ramón Rozas.

Así, o museo acollerá o 14 de xaneiro un encontro con Pilar García Negro e Xosé Carlos López Bernández; o 23 de xaneiro será a quenda de Ana Cuña e Kiko da Silva; e o 28 de xaneiro intervirán Montse Fajardo e Anxos Tilve.

Estas xornadas, destacou o alcalde da cidade, Abel Caballero, terán lugar ás 19,00 horas con entrada libre, e servirán para achegar á cidadanía a figura de Castelao, facendo balance da súa obra como escritor, pintor e intelectual, con énfase no seu compromiso político, que “marcou de forma tan importante o pensamento e a evolución de Galicia”.

Ademais, desde o 14 de decembro e ata o 28 de febreiro, pode visitarse no museo vigués a exposición ‘Castelao grafista’, que reúne obras e documentación sobre o traballo gráfico do rianxeiro, con especial atención ás primeiras edicións dos seus libros, á revista Nós ou á serie Cousas dá Vida.