InicioCulturaVigo centra o inicio da rodaxe de 'Romería', a nova película de...

Vigo centra o inicio da rodaxe de ‘Romería’, a nova película de Carla Simón

PUBLICADO O

- Advertisement -

rodaxe de ‘Romería’, a terceira longametraxe de Carla Simón comezou a rodarse en diferentes localizacións de Vigo ata o mes de setembro.

Tras gañar con ‘Alcarràs o Oso de Ouro’ en Berlín e con ‘Estiu 1993’ o Goya á Mellor Dirección Novel e o Gaudí á Mellor Película en lingua catalá, entre moitos outros premios, a cineasta explora en ‘Romaría’ as relacións familiares inspirándose esta vez nas orixes da súa familia biolóxica paterna.

A película narra a historia de Marina que viaxa a Vigo para coñecer á familia do seu pai biolóxico, que morreu de sida, do mesmo xeito que a súa nai, cando ela era moi pequena. A través dos encontros cos seus tíos e avós, Marina tenta reconstruír un relato coherente do seu pai e da historia de amor que viviu coa súa nai, pero non o consegue: Todos senten demasiada vergoña cara aos conflitos de drogas da parella, algo que Marina lles lembra coa súa presenza.

Por iso, será a historia de amor adolescente que vive co seu primo a que lle permite reimaxinar aos seus pais e conectar con eles. Desta forma, inventa un conto, grazas ao diario da súa nai, que a libera do estigma que a súa familia sente por eles e cumpre o desexo de entender o pasado.

A historia sucede en dous tempos, un deles, a transición española, unha época na que se deixaba atrás unha longa ditadura, unha etapa de máxima apertura e experimentación na que algúns mozos romperon cos valores da xeración anterior.

ÚLTIMAS

O tráfico de mercadorías do Porto de Vigo rexistra nova marca histórica

O Porto de Vigo pechou o primeiro semestre deste ano con novas "marcas históricas",...

Caballero esixe á Xunta que remate co maltrato á educación viguesa

O alcalde de Vigo, Abel Caballero, ve "intolerable" que a Xunta "maltrate a educación...

O PP de Vigo lamenta a “falta de alternativas” do Concello tras non autorizar atraccións nas festas Bouzas

O grupo municipal do PP de Vigo lamentou a "falta de alternativas" do Concello...

Detido en Vigo por transportar máis de 100 pastillas de anabolizantes e viagra no seu coche

A Policía Local de Vigo detivo o pasado mércores a un home, I.E.R.Q. de...