A coral Casabranca actuará o 20 de xullo no auditorio de Castrelos de Vigo, segundo anunciou o alcalde, Abel Caballero. Este concerto enmárcase nas Festas de Vigo que organiza o Concello e, tal como dixo o rexedor, trátase xa dunha tradición, debido a que dita coral actúa cada ano en Castrelos.

Poranse cadeiras na platea para que os asistentes poidan sentar e, se se supera o aforamento, tamén estarán dispoñibles as bancadas. Ata agora, confirmáronse as actuacións en Castrelos de Dani Fernández (13 de xullo), Luís Fonsi (23 de xullo), Sen Senra (25 de xullo), Luz Casal (2 de agosto), UB40 (7 de agosto), Víctor Manuel (14 de agosto) e Melendi (17 de agosto).