A asociación Cultural Virxe do Carme de Sela, coa colaboración do Concello de Arbo e a Deputación de Pontevedra, organizan estes venres 12 e Sábado 13 a súa tradicional Festa da Colleita.

Un ano máis, a xornada do venres empezará ás 11:00 horas cunha misa solemne en honra a Santa Isabel e San Martiño, e continuará ás 12:00 en sesión vermú cos gaiteiros “Leña Verda”, onde se ofrecerá tamén Polbo do Varanda.

Xa pola tarde, a partir das 17:00 horas, iniciará o clásico Desfile de Tractores, adornados como sempre con motivos de colleita. Sobre as 18:00 horas celebrarase o VI Concurso de Sobremesas Caseiras, e unha hora máis tarde actuará o grupo Megadance de Arbo e a charanga “ Sghae” de Salceda. O día rematará cunha gran queimada gratuíta.

O sábado a partir das 18:30 horas os asistentes poderán degustar chourizos asados e viño Novo. A comida e bebida darán paso a unha gran actuación final do grupo de teatro “ Seliña” dá asociación cultural Evaristo de Sela, coa obra “As vellas non deben namorarse dos vellos”. A Festa dá Colleita 2018 terminará cunha gran chocolatada e queimada final. A festa celebrarase nun recinto cuberto con carpa.