InicioCulturaLa Oreja de Van Gogh, Tanxugueiras e Rozalén, cabezas de cartel do...

La Oreja de Van Gogh, Tanxugueiras e Rozalén, cabezas de cartel do Sorrías Baixas 2024

O festival celebrarase os días 1, 2 e 3 de agosto en Bueu.

PUBLICADO O

La Oreja de Van Gogh, Tanxugueiras e Rozalén serán algúns da cabeza de cartel do festival Sorrías Baixas, que se celebrará os días 1, 2 e 3 de agosto en Bueu. Esta edición, sinalan, é “unha gran aposta da organización para tratar de cambiar a tendencia da propia industria musical, apostando por un forte protagonismo das bandas lideradas e formadas por mulleres como cabezas de cartel“.

Este ano tamén haberá unha gran presenza de artistas galegos como Fillas de Cassandra, Mondra, Sabela ou The Rapants, encabezados por “a punta de lanza” do auxe que vive o panorama galego como son Tanxugueiras. A todos estes nomes súmanse os de Chef’Special, La La Love You, Anabel Le, Cool Nenas, Emlan, Gilipojazz, Inés Hernand, La Elite, Morochos, Mr. Kilombo, Muerdo, Sexy Zebras e Travis Birds, “mantendo así a tendencia do festival de ser un altofalante para coñecer novas propostas musicais”.

Co cartel, o festival activa tamén a venda de abonos, que estará dispoñible a partir deste xoves 1 de febreiro ás 12.00 desde a web do festival, www.sonriasbaixas.info, e a través de Enterticket.es. Os 500 primeiros compradores poderán obter as súas entradas por 45 euros máis gastos de xestión.

Así mesmo, confirman que nesta nova edición manteranse os xa característicos dous escenarios, evitando así que se solapen concertos. Ademais, manteñen os prezos de venda de anteriores edicións, lanzando unha promoción de precarga de pulseiras cashless polo que se á hora de comprar o abono, cargas á túa pulseira para consumir o festival, recibirás a maiores un 10 % do cargado gratuitamente.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...