O cantante, compositor e pianista Pablo López celebrará un segundo concerto en Vigo o próximo marzo, ante a demanda de entradas para a actuación xa anunciada para o día 15 dese mes (con todos os billetes xa vendidos), e a organización confirmou unha segunda cita, para o 14 de marzo, tamén no Auditorio Mar de Vigo. Así, as entradas para ese segundo concerto xa están á venda en www.teuticket.com.
A traxectoria musical de Pablo López arrincou hai unha década, co seu álbum de debut, ‘Once historias y un piano’, que enseguida converteu ao artista nun referente no panorama musical. O disco, con éxitos como ‘La mejor noche de mi vida‘, ‘V‘ ou ‘Suplicando‘, conseguiu a certificación de ouro.
Aínda que se deu a coñecer en 2008 pola súa participación no programa televisivo Operación Triunfo, Pablo López non asinou o seu primeiro contrato cunha discográfica ata 2013 e, desde entón, foi acumulando éxitos e recoñecemento. O artista visitará Vigo no marco da súa xira de celebración de dez anos de carreira, e repasará éxitos dos seus catro álbums de estudo.
