O derrubamento das casas antigas situadas no recinto amurallado de Salvaterra do Miño supoñen a desaparición dun elemento do patrimonio cultura. Dende a Asociación Lazoiro lamentan a destrución destas construcións, o que sinalan que comezou como un abandono sistemático e falta de coidados, e que rematou coa eliminación por parte do Goberno Municipal.
A Asociación Lazadoiro destaca que non só “supón unha perda de valor para as murallas, senón que deixa unha explanada baleira e carente de toda referencia ou lembraza”, polo que piden concienciación social para evitar futuras agresións ao patrimonio.
“Falar de patrimonio non só é falar de ruínas de pedra carentes de significado, senón dos piares que forman a base da nosa historia e do que somos hoxe”, comentan dende a organización, así como piden rehabilitación antes de destrución, para evitar un caso semellante ao das casas antigas de Salvaterra.
