InicioSociedadeA Garda Civil exhibese en Arbo

A Garda Civil exhibese en Arbo

PUBLICADO O

O Concello de Arbo acolle o 14 de abril unha xornada de acercamento, exhibición e exposición da Garda Civil. Organizada pola Compañía de Tui, o Posto da Garda Civil de Arbo e os Concellos de Crecente e Arbo, é a primeira vez que este concello acolle un evento semellante para achegar á cidadanía o acontecer diario de distintas unidades deste corpo, mostrando os medios dos que dispoñen e explicando as principais labores que desempeñan dun xeito lúdico e con actividades enfocadas cara os máis pequenos.

“Con este acto os Concellos de Crecente e Arbo pretenden recoñecer o labor calado, e moitas veces ingrato deste corpo que tanto axuda aos veciños do rural no seu día a día, protexendo, socorrendo e acudindo sempre prestos aos seus requerimentos”, destaca o concello nun comunicado.

Cartel das xornadas das Garda Civil en Arbo

O evento comezará ás 10.45h coa recepción de autoridades e a posterior entrega de banderín á Compañía de Tui e placa conmemorativa ao Posto da Garda Civil de Arbo, xunto cunha ofrenda-homenaxe aos Caídos coa interpretación de Himnos a cargo da Banda de Música Municipal de Arbo, e se prolongará ao longo de toda a xornada.

Os asistentes poderán disfrutar dos numerosos atractivos no recinto instalado CEIP “Antonio Carpintero”, con exhibicións, simulacros e unha exposición de medios para prestar servizo ao cidadán; servizo xeral e especialidades en montaña, aire, mar, medio ambiente, agrupación tráfico, desactivación de explosivos, antidroga… e para os máis pequenos se instalará, a partir das 16.30 horas, un circuito de karts na Praza do Concello, na que aprenderán as normas básicas de circulación.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...