Que a radio pode ser unha moi boa ferramenta para a divulgación da poesía entre o estudantado é algo que O IES Antón Alonso Ríos de Tomiño leva promocionando dende fai uns anos.
Dende o 2018 a radio municipal Radio Mocidade trasladou as súas instalacións ao centro educativo co fin de aproveitar o seu uso para actividades académicas e educativas a través da sección Poesía Urxente. Este é un programa semanal que ten como obxectivo a participación do estudantado na divulgación da poesía a través da radio.
Cada semana cada alumno ten que preparar un poema para recitar. Normalmente os poetas que se escollen son accesibles e doados de entender para todo o mundo. Simón Santos, profesor de Xeografía e Historia e impulsor da sección comenta que normalmente anímase a participar o alumnado que non só lle gusta ler na radio, senón que tamén está interesado na lingua e na cultura.
O dinamismo e a duración da sección -que non adoita superar os 5 minutos- son unha das claves do seu éxito, o que facilita a participación dos seus estudantes. Polo de agora esperan seguir coa sección ata final de curso, aínda que non descartan darlle continuidade nos vindeiros anos.
