InicioCulturaA Guarda homenaxea con éxito a súa tradición: redeiras, festas, alfombras florais...

A Guarda homenaxea con éxito a súa tradición: redeiras, festas, alfombras florais…

A exposición "Así somos" e os seus obradoiros chamaron a máis de 1.500 visitantes.

PUBLICADO O

O pasado domingo día 26 de agosto finalizou a Exposición fotográfica «Así Somos», que
dende o 20 de xullo se atopaba na Sala de Exposicións da Casa dos Alonsos da Guarda,
rexistrando unha gran acollida de público, con máis de 1500 persoas que se achegaron a visualizar esta mostra cun total de sesenta fotografías sacadas entre os anos 2014 e 2018, e onde aparece reflectido o día a día dos veciños da vila.

As obras son da autoría do fotógrafo Francés afincado na Guarda Marius Kraja, mentres que a organización e produción da mostra correu a cargo do departamento de cultura do concello da Guarda.

A mostra fixo un repaso polos diferente oficios da vila, con especial atención ós
relacionados co mundo do mar, pero tamén os momentos de ocio, as festas e tradicións,
estampas de vida cotiá que conformaron o espírito desta proposta. A maiores, unha proxección recolleu máis de 200 fotografías onde o autor enfoca a vila mariñeira da Guarda dende o seu singular obxectivo.

Como novidade organizáronse dous obradoiros como actividades paralelas da exposición: O primeiro sobre o oficio das redeiras, a cargo da Asociación de Redeiras do Baixo Miño “ Atalaia”, onde explicaron aos presentes como é o seu traballo, que utensilios empregan e cales son os diferentes tipos de redes que se poden facer, segundo o arte de pesca.

Así Somos/ A Guarda

O segundo obradoiro versou sobre as alfombras florais, a cargo da recentemente formada Asociación Cultural de Alfombras da Guarda. O Obradoiro «Alfombras», de carácter aberto e para todos os públicos, tivo unha gran aceptación, e os participantes recibiron explicacións sobre o traballo da confección das alfombras florais na Guarda.

Desde a recollida previa de flores e follas ata os deseños que ano a ano se realizan para esta ocasión e que atraen a numerosos visitantes á vila guardesa. Tamén os máis pequenos puideron participar, confeccionando varias alfombras florais que
quedarán expostas durante algúns días neste espazo.

Así Somos/ A Guarda

ÚLTIMAS

Encontran o cadáver desmembrado dunha muller dentro dunha maleta nun solar de Vigo

Un home achou na tarde deste xoves un cadáver en avanzado estado de descomposición,...

Dúas persoas trasladadas ao hospital por un incendio nun edificio en Nigrán

Dúas persoas foron trasladadas, unha delas con queimaduras, tras producirse un incendio, que se...

A xestora do PP de Vigo promete unha “transición modélica” cun partido “unido”

A xunta xestora que asumirá as rendas do PP de Vigo tras a renuncia...

A Xunta destinará 1,8 millóns de fondos europeos facer do Mosteiro de Oia un gran establecemento turístico

Case dous millóns a facer do Mosteiro de Oia un gran establecemento turístico no Camiño...