O ministro dos Negocios Estranxeiros portugués manifestouse este xoves sorprendido co anuncio feito pola ministra de Turismo de España dunha reabertura da fronteira común o próximo 22 de Xuño e subliñou que quen decide sobre a reabertura da fronteira portuguesa “é naturalmente Portugal”.
“Fomos sorprendidos con estas declaracións da ministra responsábel polo Turismo [de España], que “anuncia” a reabertura da fronteira entre Portugal e España para o próximo día 22 de Xuño”, manifestou públicamente Augusto Santos Silva, afirmando que o anuncio “non se inscribe” no cadro de “cooperación estreita” entre os dous Gobernos para a xestión da fronteira común.
“Quen decide sobre a abertura da fronteira portuguesa é naturalmente Portugal e Portugal quere facelo en coordinación estreita co único Estado co cal ten unha fronteira terrestre, España”, engadiu, precisando que xa epediron “esclarecementos ao Goberno de España”.
O ministro de Negocios Estranxeiros de Portugal mantiña dende o pasado 22 de maio, negociacións co Goberno de España para a apertura de “corredores turísticos” que permitisen o tránsito “sen pernocta” dos nacionais lusos residentes en Francia.