O alcalde do Concello da Guarda, Antonio Lomba, e a concelleira de Servizos Sociais, Teresa Vicente, visitaron este mércores a Ignacia Cadilla, que vén de celebrar o seu 109 cumpre anos.

Ignacia Cadilla recibiu aos representantes municipais acompañada dos seus familiares e agradeceu a súa visita, recordando o paso das procesións pola súa rúa, que acostuma a ver dende as ventás da súa casa na Rúa Hernán Cortés.

Segundo comentou a súa familia, Ignacia ten moi boa saúde, aínda que o pasado mes tivo un pequeno susto. Malia algúuns problemas de mobilidade, Ignacia e os seus familiares agardan celebrar os seus 110 anos o ano que vén.

Segundo os datos do Instituto Nacional de Estatística, Ignacia é a terceira persoa de máis idade de Galicia. A representación Municipal entregoulle unha placa conmemorativa, así como un ramo de flores e unha tarta, e desexaron poder visitala de novo para darlle os parabéns nos próximos anos.