InicioTui reforza lazos con Portugal no festival FIAR

Tui reforza lazos con Portugal no festival FIAR

As xornadas serviron de punto de encontro coa cultura ao outro lado da 'Raia'.

PUBLICADO O

- Advertisement -

Galicia e Portugal volveron tecer lazos na Raia coas xornadas do FIAR, o Festival Internacional de Artes de Rúa da Eurocidade Tui-Valença, que se celebrou o venres 22, o sábado 23 e o domingo 24 de xullo. Foron tres intensas xornadas nas que, de acordo coa organización, as rúas e prazas de Valença e Tui se encheron de música, humor, danza, maxia… e dos aplausos do público.

De aí que as mesmas fontes apunten á “consolidación” do encontro a raíz da acollida por parte do público e a calidade dos espectáculos programados. Dende a tarde do venres, cando tiveron lugar os primeiros espectáculos, ata a última hora do domingo, o Jardim das Amoreiras e a praça da República na Fortaleza, e o Jardim Municipal de Valença, xunto ao Paseo da Corredoira e a praza de San Fernando en Tui, convertéronse no escenario de 24 espectáculos de artistas de distintos países que se deron cita no FIAR 2022, dende o humor aos obradoiros, pasando pola música, o teatro, e máis.

A música de Galiró e do Trío Detrés percorreu as rúas da Eurocidade onde os temas musicais se mesturaron co humor. The Buckets coa súa orixinal percusión encheu de ritmo a tarde do sábado, mentres que Kumpania Algazarra, o sábado, e os grupos Fóra da Pauta e Old Brige, o domingo, animaron a noite no Jardim Municipal.  O Jardim das Amoreiras acolleu na tarde do venres a presentación das marionetas xigantes de peixes confeccionadas polos asistentes ao obradoiro que Mandrágora ofreceu ao longo da semana en Valença. Pola súa banda, Troula Animación percorreu con humor e maxia as rúas de Tui co seu particular dentista.

A organización incide que, neste contexto, e tras o éxito deste ano, na Eurocidade Tui-Valença “proseguen o seu traballo conxunto para comezar a trazar xa as primeiras liñas dun festival que ten convertido ás dúas cidades na capital das artes de rúa. O obxectivo é seguir apostando polo seu crecemento tanto en público coma en número e calidade dos espectáculos. Agora o obxectivo é que esta proposta para o público poida seguir mellorando ano a ano tanto nos espazos onde se celebra coma nos horarios e tipos de espectáculos”.

ÚLTIMAS

Axentes e funcionarios denuncian as condicións “extremas” de calor na Comisaría de Vigo

Medio centenar de axentes e funcionarios da Comisaría de Vigo-Redondela, convocados polos sindicatos policiais...

Detido en Vigo por unha agresión á súa parella

Axentes da Policía Local de Vigo detiveron a un home de 47 anos de...

Confirmados 4 anos de cárcere para un home que extorsionou a unha muller

O Tribunal Superior de Xustiza de Galicia (TSXG) confirmou a sentenza da sección quinta...

OPINIÓN.- Riscos ambientais e patrimonio local na Barroca de Navia

As ondas de calor soportadas no mes de xuño mostran con claridade a anomalía...