A Plataforma Pola Defensa da Ría de Vigo “CÍES” denuncian que na ponte do regato das Barxas que pasa a carón das instalacións de hípica do Vao as augas “desprendían un cheiro fedorento anque a aparencia delas era normal”, segundo sinalan nun comunicado.

A Plataforma indica que un traballador municipal confirmou que o cheiro non corresponde a ningunha vertedura nin causa industrial. Polo tanto, fixeron un recoñecemento do itinerario  do saneamento municipal na zona Liñares-As Barxas que deron como resultado que a gran materia de orixe fecal que había nos terreos periféricos “contamina as lagoas da zona e verten no regato das Barxas que ó mesmo tempo decorre e desemboca no mar coas conseguintes consecuencias para a pesca, marisqueo e as actividades de lecer que se desenvolven na zona.”

Polo tanto, desde a Plataforma solicítanlle ao Concello de Vigo que ”sexan adoptadas con urxencia as medidas, obras e actuacións necesarias para que todas as augas contaminadas sexan conducidas dun xeito eficiente á EDAR para o seu tratamento e depuración”.