Os familiares do empresario vigués Manuel Salgado, asasinado a tiros en abril de 2004 nun garaxe da rúa Rosalía de Castro, pedirán novas dilixencias documentais para aclarar as contraccións dunha testemuña que compareceu este venres no Xulgado de Instrución Número 4 de Vigo.
Así o sinalaron os portavoces da familia, o despacho criminolóxico-xurídico Balfagón-Chipirras, quen lembraron que a testemuña, un investigador privado, fora contratado pola exmuller do falecido nalgunha ocasión anterior ao crime e que mesmo foi condenado, xunto a ela, por escoitas telefónicas ilegais.
Así mesmo, estes portavoces sinalaron que o home, durante a declaración, centrou a autoría dos feitos na contorna do empresario polas “malas relacións que había no seu día”. Segundo sinalan, a testemuña “contradíxose” co sinalado en declaracións anteriores. Por iso, o letrado que defende aos familiares pedirá novas dilixencias documentais para “aclarar o cambio de versión”.
A declaración do investigador privado prodúcese despois de que o pasado mércores, 23 de novembro, fixesen os propio outras catro testemuñas, os cales, segundo os portavoces da familia de Manuel Salgado, situaron o investigador privado nunha situación “moi interesante”.
ANTECEDENTES DO CASO
Foi en abril de 2004 cando Manuel Salgado foi asasinado nun garaxe de Rosalía de Castro. Os feitos ocorreron entre as 08,15 e as 08,20 horas, cando alguén lle disparou un tiro na caluga no momento no que o empresario saía do seu vehículo. O autor tería pola rampla do garaxe, xa que a porta estaba pechada.
Tras o crime deste empresario, propietario do Colexio Lar de Mos, a Policía detivo a súa exmuller (da que se separou nun proceso moi traumático, con denuncias cruzadas por varios delitos) e a parella sentimental dela, nunha investigación na que a principal hipótese era a motivación económica. Con todo, ambos tiñan coartada e os tribunais acabaron arquivando provisionalmente a causa contra eles en 2006.
