Esta mañá de luns, o rexedor vigués, Abel Caballero, presidiu unha homenaxe floral aos alcaldes represaliados polo bando nacional en 1936, no Xardín da Memoria de Vigo, do cemiterio laico de Pereiró.
A súa intención é “institucionalizar” este acto e celebralo cada 27 de agosto do ano.
Estivo presente tamén o secretario xeral do Partido Socialista en Galicia, o seu sobriño Gonzalo Caballero.
“Nunca máis”: o rexedor vigués manifestou o seu desexo de que a ditadura nunca regrese a este país.
Ademais, en canto á recente polémica con respecto ao “Val dos Caídos” e a exhumación de Franco, o alcalde vigués mollouse e defendeu as decisións tomadas polo presidente do goberno, Pedro Sánchez, dirixidas ao traslado do corpo do ditador.
Foi unha xornada matinal solemne e chea de respecto polos que nos deixaron atrás, que se repetirá o vindeiro ano.
Vigo non se esquece dos alcaldes represaliados.
