Todos os grupos do Parlamento de Galicia uníronse para pedir á Xunta que inicie os trámites para determinar se os sambenitos da catedral de Tui  son merecedores de ser considerados Ben de Interese Cultural (BIC). A iniciativa presentada polo PPdeG foi aprobada por unanimidade durante a Comisión de Cultura, celebrada este venres na Cámara autonómica.

Os sambenitos son pezas que nos anos da Inquisicón impúñanse aos condenados por practicar o xudaísmo. Na catedral tudense consérvanse cinco lenzos deste tipo, nos que aparece unha cruz de San Andrés, o nome da persoa, o ano do proceso e a acusación.

A petición do Parlamento é que a Xunta active os estudos para determinar se esta colección posúe valor singular, previo paso ao comezo da súa tramitación para a súa declaración como Ben de Interese Cultural (BIC).

“Esta colección de sambenitos do século XVII procedentes da Catedral de Tui son unhas pezas únicas en Europa e resultan a principal expresión patrimonial da presenza de comunidades sefardís ou criptoxudías, tamén chamados tamén cristiáns novos en Galicia”, apuntou o deputado popular Moisés Rodríguez.