A Policía Local de Vigo informou de que a caída de dúas árbores na cidade debido ao temporal vivido este domingo provocou danos nun vehículo e problemas na VG-20, xa que impedía o paso dos coches.

Así, sobre as 04,30 horas un cidadán alertou de que unha árbore caída cortaba a circulación na VG-20, polo que foi necesario a intervención do servizo de mantemento de estradas para eliminar os restos do lugar.

Horas máis tarde, sobre as 19,30 horas, os axentes foron alertados de que unha galla de grandes dimensións caera sobre un vehículo estacionado na rúa Bolivia, provocando danos no mesmo.

Por iso, deuse aviso aos bombeiros para retirala. Ademais, contactouse coa propietaria do turismo para informarlle dos pasos a seguir para realizar a correspondente reclamación.