Un motorista resultou ferido na mañá deste venres na localidade pontevedresa de Redondela despois de que lle caera enriba a barreira dunha peaxe.

Tal como indicaron fontes do 112 Galicia a Europa Press, os feitos ocorreron minutos antes das 12,00 horas na peaxe da AP-9 de Redondela, dirección Vigo. Concretamente, no punto quilométrico 149.

Foron os propios traballadores da peaxe os que alertaron aos servizos de emerxencia, informando de que un motorista resultara ferido ao caerlle a barreira encima. Por iso, alertouse aos servizos sanitarios, á Garda Civil de Tráfico, á Policía Local, ao GES de Mos, aos Bombeiros de Redondela e ao servizo de mantemento da estrada.

OUTRO MOTORISTA FERIDO

Pola súa banda, outro motorista tamén resultou ferido na mañá deste venres en Redondela. O incidente ocorreu sobre as 08,20 horas, cando se produciu unha colisión entre unha furgoneta e unha moto na N-552, á altura de Chapela.