O Concello de Vigo solicitou ao Goberno de España recursos para financiar unha baixada do 30% do prezo do transporte público da cidade, servizo que presta a concesionaria Vitrasa, aos usuarios da PassVigo.

Tal como informou o alcalde, Abel Caballero, trátase dun desconto “importante” do prezo que teñen que pagar os viaxeiros, polo que esta semana acordouse co Goberno esa solicitude de recursos para que se poida facer efectiva.

Así, o billete normal, se se paga con PassVigo, quedará en 0,62 céntimos, mentres que os estudantes pagarán 0,60 céntimos. Pola súa banda, os universitarios abonarán 0,47 céntimos e o billete social será de 0,48 céntimos. Os pensionistas seguirán viaxando gratis, como ata agora.