A procesión do Cristo da Vitoria de Vigo estreará a nova e humanizada Porta do Sol o próximo 7 de agosto, segundo anunciaron este martes os organizadores en rolda de prensa.
Así, presentaron o programa de actividades que se enmarcarán dentro da festividade do Cristo da Vitoria, que sairá en procesión o domingo 7 ás 19,30 horas. Unha ruta que volverá pasar pola rúa Príncipe e que atravesará a nova e humanizada Porta do Sol.
O alcalde, Abel Caballero, tamén participou na presentación xunto a membros da Confraría, que manifestaron o “gran interese” que está a xerar ante a cidadanía a procesión deste ano. O pregón correrá a cargo de José Ricardo Troncoso, membro da Confraría do Cristo da Vitoria, e terá lugar o sábado 6 ás 12,30 horas nos xardíns do Pazo de Castrelos.
Como novidade, este ano cada Novena será amenizada por unha coral de Vigo e o sábado haberá un concerto da Orquestra Clásica de Vigo na Porta do Sol ás 20,30 horas, entre outras actuacións musicais.
