InicioMedio Ambiente e PatrimonioVoluntarios retiran máis de 100 quilos de lixo mariño e de flora...

Voluntarios retiran máis de 100 quilos de lixo mariño e de flora invasora da Illa de Monteagudo, nas Illas Cíes

Retiraron diferentes especies, fundamentalmente 'Conyza canadensis', unha especie de orixe norteamericana introducida en Galicia a mediados do século XIX.

PUBLICADO O

- Advertisement -

Máis de 75 persoas voluntarias do Plan de Conservación Territorial-On (Plancto), impulsado por Afundación, a Obra Social de Abanca, retiraron este sábado máis de 100 quilos de lixo mariño e de flora exótica invasora na Illa de Monteagudo, no arquipélago de Cíes, dentro do Parque Nacional Marítimo-Terrestre das Illas Atlánticas de Galicia.

Entre a flora exótica invasora, retiraron diferentes especies, fundamentalmente ‘Conyza canadensis’, unha especie de orixe norteamericana introducida en Galicia a mediados do século XIX e expandida hoxe en día polo cinco continentes debido a “a falta de inimigos naturais nos lugares que coloniza unido ao gran número de sementes que produce ao longo de todo o ano”.

Ademais, outro grupo de voluntarios retiraron residuos que atoparon nos bordos e proximidades dos camiños. En concreto, obxectos que con motivo do vento e da climatoloxía poderían chegar ao mar, fundamentalmente, cabichas, máscaras, restos de envoltorios de aperitivos, lambetadas ou envases.

Pola tarde, as persoas voluntarias participaron nunha ruta interpretativa na que coñeceron “tesouros que conforman o ricopatrimonio natural co que contan as illas deste arquipélago”. Afundacion destacou que coa deste sábado son xa sete as actividades de retirada de lixo mariño levadas a cabo no ámbito de Plancto no que vai de ano, unha tempada na que xa recolleron máis de cinco toneladas e media de residuos. En total, este programa suma xa máis de 25 toneladas recollidas desde que principiase esta iniciativa no mes de marzo do pasado ano.

ÚLTIMAS

“Sen prazas suficientes, impuntualidade e horarios incomprensibles” As principais queixas polo transporte no Val Miñor

A Asemblea Veciñal por un Transporte Digno para Gondomar (AVTG) presentou recentemente reclamacións perante...

Detido en Vigo por unha presunta agresión sexual nun parking próximo aos antigos xulgados

Un home foi detido en Vigo nas últimas horas tras producirse unha presunta agresión sexual...

Unha persoa queda atrapada no interior do seu vehículo ao chocar contra un farol na Avenida Arquitecto Antonio Palacios

Unha persoa quedou atrapada este xoves no interior do seu vehículo ao chocar contra...

Fiscalía pide 200 euros de multa para un acusado de masturbarse diante dunha menor, pero o home non acode ao xuízo

O Xulgado do Penal número 2 de Vigo celebrou este xoves unha vista contra...