InicioCulturaO concurso Pequestrelas busca crianzas con talento nalgunha disciplina artística

O concurso Pequestrelas busca crianzas con talento nalgunha disciplina artística

A produtora de televisión Línea Press realizará un total de catro cásting todos os xoves de xuño na rúa Concepción Arenal de Vigo.

PUBLICADO O

- Advertisement -

O concurso de talentos Pequestrelas busca crianzas de entre 6 e 18 anos que destaquen en calquera disciplina artística: canto, baile, maxia, interpretación… A produtora de televisión Línea Press realizará un total de catro cásting todos os xoves de xuño (días 9, 16, 23 e 30) ás 20:00 horas na rúa Concepción Arenal nº8 de Vigo. 

Nestas probas, un xurado profesional valorará as actuacións e elixirá as mellores crianzas. Os cástings serán a porta aberta ao público coa limitación de aforo pertinente. E a rapazada finalista xogará a final o primeiro venres do mes de xullo nos Xardíns de Concepción Arenal, explica a produtora, que impulsa este concurso co apoio da Xunta de Galicia. 

As inscripcións para participar abriranse durante o mes de xuño a través das redes sociais de Pequestrelas, no teléfono 617306234 ou no correo electrónico lineaprensaeuropa@gmail.com. 

Entre os premios atópanse bolsas para estudar e cursar estudos musicais en Mayeusis (Vigo), a gravación dunha canción nun estudo profesional, a realización dun videoclip e entradas para o Parque da Warner de Madrid. Ademais, todas as crianzas participantes obterán un diploma que acredita a súa participación no concurso. 

ÚLTIMAS

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...