InicioSociedadeVigo adxudica a FCC o megacontrato de limpeza por máis de 400...

Vigo adxudica a FCC o megacontrato de limpeza por máis de 400 millóns

O contrato ten unha duración de nova anos e seis meses, prorrogable dous anos máis.

PUBLICADO O

- Advertisement -

O Concello de Vigo adxudicou a FCC Medio Ambiente o megacontrato dos servizos para a xestión sustentable e integrada dos residuos municipais e a súa valorización dentro do marco europeo da estratexia da economía circular, que conta cun orzamento de máis de 400 millóns de euros.

Tal como indicou en rolda de prensa o alcalde, Abel Caballero, o contrato ten unha duración de nova anos e seis meses, prorrogable dous anos máis. Para o rexedor, trátase dunha iniciativa “eficiente que vai estimular a mellora no servizo global da limpeza da cidade”.

Segundo el, trátase dun contrato “completamente adaptado” á nova lei de residuos e chans contaminados e supón agrupar nun só contrato todos os servizos de recollida e limpeza da cidade para o que ata agora había tres concesións diferentes: o de colectores e papeleiras, o de recollida de colectores verde, a limpeza de rúas e praias e o de recollida de reciclaxe.

Desta maneira, Abel Caballero explicou que agora quedan unificados co fin de “conseguir mellores niveis de reciclaxe, economías de escala e complementariedade dos servizos nunha única concesión”.

RECOLLIDA A DOMICILIO

Esta nova concesión tamén potenciará a recollida a domicilio de residuos voluminosos ou electrónicos e incorporará a recollida en casas dos cadáveres de animais domésticos e sacos con restos de obras. Ademais, o contrato establece un 7,7% de parte variable, que só se pagará se a empresa consegue alcanzar os niveis de recollida selectiva que se lle impoñen.

Por outra banda, ao unificar a concesión o goberno local tamén moderniza os servizos e renovará completamente o vehículo da frota, contemplando un investimento obrigatorio de 15 millóns de euros para renovar os automóbiles e o parque de colectores.

En concreto, os novos vehículos de recollida de lixo contarán coa posibilidade de carga traseira e carga lateral pola esquerda (agora só é pola dereita), o que permitirá ampliar as zonas nas que se poidan instalar colectores de reciclaxe.

ÚLTIMAS

Colas quilométricas na AP-9 ao seu paso por Vigo na mañá deste luns

A autoestrada AP-9 volveu a rexistrar colas quilométricas na mañá deste luns ao seu paso por...

O Nadal 2025/2026 contará con 11,5 millóns de luces LED e informacións das atraccións en tempo real

O alcalde de Vigo, Abel Caballero, anunciou que a xunta de goberno local aprobou este...

Balaídos incrementará o seu aforamento a próxima tempada coa volta do Celta a Europa

O estadio municipal de Balaídos incrementará o seu aforamento a próxima tempada 2025/2026 para...

O PP de Vigo rexistra unha declaración institucional para esixir ao Goberno que manteña os 8 xulgados de instrución

O PP de Vigo anunciou a presentación dunha declaración institucional para que o pleno da corporación...