Centos de persoas déronse cita o pasado sábado en Salvaterra de Miño para rememorar os anos dourados dos 60, 70 e 80. Así, o recinto amurallado acolleu o maior “guateque” de Galicia.

Foi unha noite con música da época, posta en escea, photocall e unha gran acollida, xa que a maior parte dos participantes incluso se animaron a vir caracterizados. Preto das 3.00h tivo lugar o sorteo dunha cea, dun fin de semana de relax e unha viaxe a Benidorm entre todos aqueles que viñeron vestidos de época.