O reitor da Universidade da Coruña (UDC), Julio Abalde, replicou ao alcalde de Vigo, Abel Caballero, que concretar a creación ou non dunha nova facultade de Medicina en Galicia corresponde ás universidades. “O mapa de titulacións é responsabilidade do Sistema Universitario Galego (SUG)”, sinalou, a preguntas dos xornalistas, tras a firma dun convenio con Inditex.

Fíxoo despois de que o rexedor olívico anunciase que demandará solicitar que a Universidade de Vigo teña a súa propia facultade de Medicina na cidade.  “É unha decisión universitaria e hai que tratalo dentro do sistema universitario”, expuxo Abalde sobre as demandas do alcalde de Vigo. Noutra orde de cousas, e preguntado que lle pedirá ao novo presidente da Xunta, ante a substitución de Alberto Núñez Feijóo, contestou que se manteña “o que funciona ben” e os aspectos “mellorables” tentar “melloralos”.