O Salón do Automóbil e a Motocicleta de Vigo celebrará o próximo abril a súa 30º edición no instituto feiral da cidade (Ifevi), que incluirá unha exposición de distintos modelos de Ferrari, en conmemoración do 75 aniversario da marca italiana.

Tal como informaron os seus organizadores, o Salón do Automóbil prepara unha edición “repleta” de actividades que “animarán e sorprenderán” aos visitantes. O evento levará a cabo entre o 27 de abril e o 1 de maio.

A exposición “estrela” do certame será unha “espectacular” colección de distintos Ferrari, con 20 modelos diferentes do fabricante italiano, que representarán as distintas épocas e estilos polos que pasou ao longo da súa traxectoria.

Entre os exclusivos modelos estarán desde un 250 GTO de 1962 ou un Daytona Spyder de 1970, a un 458 Speciale Aperta (2019) ou un F8 Tributo de 2020. Así mesmo, o salón reunirá a preto de 35 marcas de coches, ademais de que recuperará o pavillón dedicado ao sector da motocicleta.