InicioVigo e contornaVigoDetido un home en Vigo por outro delito de violencia de xénero

Detido un home en Vigo por outro delito de violencia de xénero

O detido tivera unha orde de afastamento pero esta xa caducara.

PUBLICADO O

- Advertisement -

Axentes da Policía Local de Vigo detiveron a un home, J.M.P., natural de Ourense e de 42 anos de idade, como presunto autor dun delito de violencia de xénero, tras ameazar á súa exparella e golpeara porta da súa vivenda. Segundo informaron fontes policiais, os feitos ocorreron na noite deste martes, cando unha dotación do 092 acudiu a unha vivenda da rúa Camiño da Taberna, alertada por unha testemuña que informaba da presenza dun home en actitude agresiva golpeando a porta da casa da súa exparella.

Cando os axentes chegaron, atopáronse ao sospeitoso tombado nun sofá na entrada traseira da vivenda, rodeado de obxectos que estaban tirados no chan. Ao entrevistarse coa muller, esta relatou aos policías que mantivera unha relación sentimental co home, ata o ano 2020, momento en que rompeu esa relación como consecuencia dun episodio de ameazas. Naquel momento, tras a pertinente denuncia, foi emitida unha orde de afastamento de 8 meses.

Ao finalizar a vixencia desa medida ambos retomaron a relación, pero ultimamente estaban a ter problemas pola actitude agresiva do home, que ese mesmo día ameazáraa de gravidade. Por estes feitos, os axentes procederon á súa detención como presunto autor dun delito de violencia de xénero.

ÚLTIMAS

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...

Rede de Mulleres manifestarase o 25N en Vigo: “Estamos a sufrir un retroceso que non podemos permitir”

A Rede de Mulleres Veciñais contra os Malos Tratos de Vigo mobilizarase o vindeiro...