O Servizo Galego de Saúde (Sergas) citará a uns 10.600 nenos de entre 5 e 7 anos en Vigo para recibir a primeira dose da vacina contra o Covid-19 desde este martes, día 11 de xaneiro, ata o vindeiro xoves, en horario de tarde.

Tal como indicou o Sergas, tamén o sábado, en horario de mañá, estes nenos serán inoculados no Ifevi. Desta maneira, a vacinación infantil continúa de forma simultánea coa terceira dose do grupo etario de entre 40 e 49 anos. En total, esta semana están convocadas unhas 34.500 persoas.

En relación coas probas de diagnoses, a partir do mércores, día 12 de xaneiro, tamén se realizarán test de antíxenos en varios concellos da área sanitaria de Vigo, como é o caso de Cangas ou Tomiño. Será necesario cita previa, que se pode solicitar en ‘https://coronavirus.sergas.gal/cribado/Rexistro.aspx’.