O rapeiro zaragozano Kase.O regresará coa súa banda de jazz en agosto de 2022 ao festival SonRías Baixas de Bueu, que confirmou os primeiros nomes do cartel da súa próxima edición, previsto para o primeiro fin de semana de agosto.

O certame, consolidado como unha das citas importantes do calendario de festivais do verán galego, terá lugar os días 4, 5 e 6 de agosto na localidade da ría de Pontevedra.

Alí estará de novo Kase.O co seu proxecto Jazz Magnetism. O ‘emcee’ de Violadores del Verso xa foi cabeza de cartel do festival este ano 2021 coa súa banda, reunidos para conmemorar o décimo aniversario da unión do rapeiro coa batería Dani Domínguez, o guitarrista Dani Comas, o saxofonista Hugo Astudillo, ademais de Juan Pablo Balcazar e Juan Berbín.

A de Kase.O Jazz Magnetism encabeza as primeiras confirmacións do festival Sorrías Baixas, que levará a Bueu o próximo verán ao eurovisivo Rayden, Arnau Griso, Buhos, Balkan Paradise Orchestra e García MC & Nación Quilombo.