Comezaron as operacións de vixilancia nas fronteiras terrestres que unen o Alto Minho con Galicia. A Guarda Nacional Republicana (GNR) e o Servizo de Estranxeiros e Fronteiras (SEF) iniciaron as operacións “aleatórias” aos visitantes que entran en Portugal por vía terrestre desde Galicia, tal e como informa o medio Radio Vale do Minho.

Ao longo do pasado mércores houbo un forte control policial en Vila Nova de Cerveira, próximo á Ponte da Amizade, que conecta co concello de Tomiño e polo que cruzan diariamente centos de persoas, moitos deles traballadores.

Portugal entrou este mércores en Estado de Calamidade. Unha situación que vai prolongarse até ao día 20 de marzo de 2022 e que provocou o aumento de restricións para a entrada no país.

Para entrar en Portugal polas fronteiras terrestres é esixido proba PCR negativa aos cidadáns oriundos de países exteriores á Unión Europea e dos países da UE considerados de nivel de risco vermello ou vermello escuro, que é o caso de Galicia.