A Semana de Cine Submarino da UVigo cumpre este 2021 o seu 30º aniversario e celebrarao coa proxección de seis películas documentais, entre o 17 e 19 de novembro, e tras o ‘parón’ do ano pasado pola pandemia de Covid-19.
O evento, organizado polo Vicerreitorado de Captación de Alumnado, Estudantes e Extensión Universitaria, foi presentado este luns na sede da Universidade de Vigo noBerbés, nun acto que contou coa presenza da vicerreitora Natalia Caparrini; o director da Semana, José Luís González; e a coordinadora adxunta da área de Cultura de Afundación, Paloma Vera.
O programa iniciarase este mércores cunha produción de National Geographic, ‘Pristine Sexas’, filmada polo mergullador Enric Salga, e na que os espectadores poderán coñecer como eran os oceános hai centos de anos e as razóns que fan necesaria a súa conservación.
Así mesmo, o mércores tamén se proxectará ‘Segredos do Océano’, premio Ciencia en Acción 2020 e Varanda de Prata ao mellor documental no certame internacional Cimasub. Nesta peza, Enrique Talledo (que será protagonista da charla) mostra os fondos oceánicos dos cinco continentes e desvela imaxes e comportamentos dos ecosistemas nunca vistos.
O xoves proxectarase outra produción de National Geographic, ‘Peixes incribles’, que permitirá coñecer especies mariñas pouco habituais. A continuación, será a quenda da película ‘Mar da minha terra’, do portugués Luís Quinta (que estará presente como convidado nesta segunda xornada), filmada entre a costa Caparica e o cabo Espichel, no chamado canón de Lisboa, que chega a alcanzar os 700 metros de profundidade.
Finalmente, o venres proxectaranse ‘Cantábrico Salvaxe’ de Enrique Telledo, con imaxes dos fondos mariños nas costas de Galicia, Asturias, Cantabria e Euskadi; e ‘Océanos Profundos’ de National Geographic, centrado na biodiversidade da Antártida. Nesta xornada, o invitado da Semana de Cinema Submarino será Jesús Souza Troncoso, catedrático de Zooloxía e investigador do Centro de Investigación Mariña da UVigo.
As proyeccciones e os debates posteriores terán lugar a partir das 20,00 horas no Teatro Afundación de Vigo, con entrada libre ata completar aforamento.
