InicioCulturaIgnora o programa municipal de Vigo o talento galego?

Ignora o programa municipal de Vigo o talento galego?

PUBLICADO O

- Advertisement -

Dende o grupo municipal Marea de Vigo veñen de acusar á programación de concertos da nosa cidade de dar as costas ao talento local, así como o das artistas femininas, nunha “indeferenza absoluta pola nosa cultura e a nosa lingua”.

Ademais, culpan á alcaldía de “adecuar” a vida social da cidade á “arbitrariedade publicitaria do goberno local”. Denuncian “o desmantelamento do Museo MARCO como o espazo para o que foi concibido“, e culpan a Caballero da desaparición do ImaxinaSons “tras 13 anos de consolidación como referente no espazo europeo”, ou da falta de apoio ás iniciativas como VigoLocals.

Tamén lamentan a falla de promoción aos grupos locais dende as festas organizadas polo propio concello, “cando Vigo é unha cidade que sempre destacou por contar con centos deles, moitos xa recoñecidos internacionalmente”.

“atopámonos mulleres só en dous eventos”

“O concello de Vigo denota unha vez máis a indiferenza absoluta ante a nosa cultura e a nosa lingua; pois continuamos a ver artistas do país actuando por ducias de vilas galegas mentres que en Vigo, unha das cidades na que máis se está a perder o idioma galego, non podemos desfrutar de música galega” matizou Marga L. Barreiro, concelleira do grupo municipal da Marea de Vigo.

Con respecto á presenza de mulleres na programación do Concello, Marga L. Barreiro engadiu que “nos concertos de Castrelos atopámonos mulleres só en dous eventos, a teclista de Dorian, e a de Operación Triunfo, onde, en ambas actuacións, participan homes”.

Dende Marea de Vigo, polo tanto, quixeron reivindicar o papel das mulleres artistas galegas, “dobremente invisibilizadas: por ser mulleres e por crear na lingua de seu. Esiximos, por tanto, que este concello se sensibilice dunha vez coas mulleres no escenario, e que os concertos deixen de brillar pola ausencia de talento galego”.

ÚLTIMAS

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...

Abanca estrea as súas novas instalacións corporativas en Vigo cun investimento que supera os 25 millóns de euros

Abanca estreou este luns, 16 de novembro, as súas novas instalacións corporativas en Vigo,...

O Nadal de Vigo publicitarase en Londres, París, Nova York e Lisboa

O Concello de Vigo despregou a súa habitual campaña publicitaria a través de mupis...

Protestan ante o Concello de Vigo para pedir alternativas habitacións para persoas sen fogar que estaban na Acampada

Decenas de persoas protestaron na mañá deste luns ante as portas do Concello de...