Axentes Policía Nacional de Vigo veñen de deter a un home como presunto autor dunha malleira a unha moza que acudiu en defensa dun can cando este estaba a sufrir maltrato animal. Os feitos, que terían acontecido no barrio olívico de Bouzas o pasado día 24, remataron co implicando pasando a disposición xudicial. Será investigado por un delito de lesións.

O caso transcendeu en redes despois de que a propia agredidade publicara unha imaxe da súa cara tras a agresión rexistrada. De acordo co apuntado pola mesma fonte nas súas redes persoais, o episodio de violencia aconteceu despois de ver como o presunto agresor lle propinaba unha malleira ao seu propio can.

Nese momento, a rapaza saíu en defensa do animal e afeoulle a súa conduta ao agresor. Dez minutos despois, a moza ía coller á súa cadela cando, segundo o mesmo relato, o presunto agresor colleuna do pelo para logo golpeala dúas veces contra o cristal e o capó dun coche. A muller explica que caeu case inconsciente e recibiu patadas por todo o corpo. “Non quero dar pena, só quero que, polo menos, este ser non lle volva a poñer a man encima a ninguén e podreza no cárcere”, destaca.

“Estaba a esperarme e ameazou con matarnos a min e á miña cadela. Entón agacheime para coller á cadela e xa me enganchou polo pelo e me empotrou a cara dúas veces contra o cristal e o capó dun coche. Con todo, como non lle chegaba con iso, cando caín ao chan inconsciente, empezou a darme patadas. Todo isto por defender ao seu can, ao cal, dez minutos antes estábanlle dando a malleira da súa vida”