Axentes da Policía Local de Vigo detiveron un mozo de 22 anos de idade, L.C.D.S.P., natural de Brasil, como presunto autor dun delito de ameazas graves, tras intimidar e ameazar cunha botella rota a empregados e clientes dun local.

Segundo informaron fontes policiais, os feitos ocorreron na noite do sábado, cando unha testemuña, traballar dun local, alertou o 092 sobre a presenza dun individuo que estaba a ameazar á xente na entrada do mesmo, na Travesía de Santiago de Vigo.

Unha vez no lugar, a testemuña que chamara á Policía explicou aos axentes que un mozo tentara entrar no pub sen gardar a súa quenda na cola, polo que fora expulsado do establecemento.

O mozo reaccionou collendo unha botella de cristal e, tras rompela, esgrimiuna e ameazou de morte o empregado e outra traballadora, así como a varios clientes que se atopaban nese momento na cola para entrar.

Os axentes identificaron o sospeitoso e procederon á súa detención, como presunto autor dun delito de ameazas graves.