A área Sanitaria de Vigo é a campioa, “por goleada”, na demora nas listas de espera para operacións cirúrxicas. O primeiro semestre de 2018 rexistrou unha espera media de 84,5 días, moi lonxe da media galega, por debaixo dos 60 días.

Todo segundo os datos da Consellería de Sanidade, que certifica como as menores esperas están a producirse na zona veciña de Pontevedra-Salnés, con 34,6 días, menos da metade que na área viguesa.

As enfermidades con maiores listas de espera a nivel galego son as que corresponden á traumatoloxía e a otorrinolaringoloxía; e as que sofren menores demoras son a cirurxía torácica e a xeral e dixestiva.