Afundación, a Obra Social de ABANCA, albergará nas cidades de Vigo e Pontevedra o espectáculo “Peter Pan, el musical”. Poderase ver este venres no Teatro Afundación de Vigo (Policarpo Sanz, 13) e o sábado no Auditorio da Sede Afundación de Pontevedra (Augusto González Besada, 2), en ambos os dous casos a partir das 20.00 h. As entradas pódense adquirir na web Ataquilla.com.

Peter Pan é un dos musicais máis aclamados das últimas décadas que chega a Galicia despois de triunfar no Garrick Theatre. Unha produción familiar de grande formato que xa cativou a máis de 4 millóns de espectadores con máis de 4.500 representacións e grande éxito de público e crítica. Segundo The Times, «Peter Pan atópase no top five dos mellores musicais de Londres».