O Concello de Tui e a xerencia do SERGAS da Área Sanitaria de Vigo colaboraron para abrir unha oficina na planta Baixa da Área Panorámica onde se poderá obter a Chave365 e o certificado COVID. Dende o 12 de agosto será posible obter tanto a chave como o certificado ata o 31 de agosto, data que pode ser prorrogada de ser necesario.

O alcalde de Tui, Enrique Cabaleiro, respondeu favorablmenete á solicitude feita dende a xerencia do SERGAS para poder contar cun local na cidade con esta finalidade. Deste xeito, a poboación de Tui e Tomiño poden achegarse ata a oficina, que estará atendida por unha persoa funcionaria do Servizo de Atención Primaria da Consellería de Sanidade da Xunta de Galicia. O veciños xa non teñen que acudir ao centro de saúde de Tui ou tomiño para realizar os trámites, o que permitirá desconxestionar o servizo nestes centros de saúde.

Nun horario de luns a venres de 8.30h a 12.00h e de 12.30h a 14.30h, os cidadáns poderán obter a Chave365, que permite o acceso ao certificado covid e á aplicación E-Saúde, ou ben adquirir o certificado impreso.