Pouco a pouco vanse recuperando moitas das miles de pombas mensaxeiras perdidas a pasada fin de semana mentres realizaban a carreira Algarve-Oporto. As fortes tormentas que barreron as costas atlánticas da Península poideron desorientar ás aves, que están sendo localizadas en varios puntos de Galicia e Asturias. Na carreria participaron 10.000 pombas e este xoves aínda quedaban por localizar arredor de 3.000.

Un columbófilo de Vigo, descubriu a cinco pombas que voaban xunto ás súas propias e daban mostras de estar exhaustas e esfameadas. Levaban os correspondentes aneis portugueses e o número de identificación. Dúas delas foron xa devoltas aos pombais de Oporto, segundo informa o diario El País. Porén, pouco despois chegaban á casa desta mesma persoa outras nove pombas procedentes da mesma carreira.

Membros da asociación portuguesa organizadora do evento encóntranse en Galicia recuperando os exemplares. Todas elas aparecen cos mesmos síntomas de fame e fatiga. Hai que ter en conta que a competición na que participaban cubría unha ruta de 300 kilómetros, pero as que chegaron a Vigo terminaron recorrendo uns 500.

No caso de localizar a unha destas pombas extraviadas, os expertos aconsellan darlles de comer e de beber e avisar á policía local ou á Federación Columbófila Galega ou incluso a algún club local.