A Consellería de Sanidade notificou o falecemento dun home de 62 anos con coronavirus. Deste xeito, o total de vítimas en Galicia desde o inicio da pandemia alcanza ás 2.391.

Segundo informa este luns a Xunta, o home faleceu o pasado domingo, 2 de maio, no Complexo Hospitalario Universitario de Vigo (Chuvi). Tiña patoloxías previas.

Esta notificación chega despois de dúas xornadas sen que o Goberno galego informase de óbitos, aínda que é habitual que as comunicacións se fagan con días de atraso, ata que son confirmadas por Saúde Pública.